MANILA, Philippines — Hinirang si Ramon “Tats” Suzara bilang executive vice president (EVP) ng International Volleyball Federation (FIVB), ang world governing body ng sport.
Ito ay matapos na ring ihalal si Suzara bilang bagong pangulo ng Asian Volleyball Confederation (AVC) noong Setyembre.
“It’s a great distinction and honor to be named as executive vice president of the FIVB because it will give Philippine volleyball great opportunities ahead,” sabi ni Suzara na magtatrabaho sa ilalim ng bagong FIVB chief na si Fabio Azevedo ng Brazil.
Magsisilbi si Suzara sa FIVB bilang EVP sa loob ng apat na taon kasabay ng pamamahala niya sa AVC at sa Philippine National Volleyball Federation (PNVF).
Nakasama niya sa FIVB Congress sa Porto, Portugal sina PNVF vice president Ricky Palou, secretary-general Donaldo “Don” Caringal at director Tonyboy Liao.