Miratsadang Cavs 15-0 na

CEBU, Philippines — Bisan og wala ang alas nilang si Donovan Mitchell, ang Cleveland Cavaliers mitabla sa ikaduhang labing nindot nga sinugdanan sa kasaysayan sa NBA human ilang gipasukarap ang Charlotte Hornets, 128-114, alang sa ika-15 nilang sagunson nga daog.

Si Mitchell mipahuway og tuyo human mi-average og 24.6 puntos, 4.4 rebounds ug 4.1 assists alang sa perpekto nga ratsada sa Cavs.

Apan wala ma-apektuhi niini ang Cavs tungod sa balanseng ataki nilang Darius Garland, TY Jerome, Eva n Mobley ug Jarret Allen.    Si Garland mipupo og 25 puntos ug mipasa og 12 ka assists, si Jerome midugang og 24 puntos, si Evan Mobley mi-iskor og 23 ug milangkat og 11 ka rebounds samtang si Allen miamot og 21 puntos ug 15 ka rebounds. Ubos sa bag-o nilang coach nga si Kenny Atkinson, ang Cavaliers nahimong ikaunom nga team sa NBA nga miabli sa ilang kampanya uban ang 14-0 nga baraha.

Sa pagbuntog nila sa Hornets, ang Cavs nahimo nga ikaupat pa lamang nga team nga mirehistro og 15-0 sunod sa 1948-49 Washington Capitols ug 1993-94 Houston Rockets alang sa ikaduhang labing nindot nga sinugdanan sa usa ka season.

Layo pa hinoon ang gukdon sa Cavs nga 24-0 rekord nga gikulit sa 2015-16 Golden State Warriors.