Labing unang CDU Radiographers alumni basketball tourney sa UK nagmalampuson
CEBU, Philippines — Nagmabungahon ang labing unang Cebu Doctors' University (CDU) Radiographers Alumni Basketball Friendly Cup 2024 nga giorganisa sa Sugbuanong sportsman nga si Anwar Satina didto sa United Kingdom ning bag-ohay pa lamang.
"It was just a friendly game but so memorable especially that we were able to reconnect and renew ties with our former classmates and colleagues in a fun-filled manner," matud pa ni Satina nga toa na karon nakabase sa Liverpool, England.
Upat ka teams nga gilangkoban og mga CDU Radiologic Technology graduates gikan sa Batch 1993 ngadto sa 2015 ang mipakita'g aksiyon sa torneyo nga giduwa didto sa Holly Lodge Girls College gym sa Liverpool.
Ang Liverpool Gems maoy gikorohanang kampiyon human gipukan ang Midland Slashers, 30-25. Ang London Pirates ug RadTech All-Stars, nga girepresentahan og mga radtechs gikan sa Canada, Ireland ug Amerika, nagsawo sa ikatulong puwesto.
Si Ryan Medel ang gitunolan sa Most Valuable Player (MVP) award, samtang si John Lucero gipasidunggangisip 'crowd favorite'.
Sila si Aldrin Deiparine, Louie Deiparine, Alaine Perez, Ian Lawas, ug Kim Marquez nahimong kabahin sa Mythical Five.
- Latest
