Cavaliers, Thunder wala gihapoy pilde
CEBU, Philippines — Ang Cleveland Cavaliers ug ang Oklahoma City Thunder nagpabilin nga mao na lamang ang mga teams nga way pilde ning lab-as nga NBA season.
Sila si Darius Garland ug Donovan Mitchell nagkumboya'g 47 puntos sa dihang gikastigo sa Cavs ang Orlando Magic, 120-109, aron inaton ang perpekto nilang rekord ngaddto sa 6-0.
Si Jalen Suggs maoy nangu sa pilderong Magic uban ang 28 puntos.MANILA, Philippines — Samtang ang Thunder mipayaka sa Portland Trail Blazrs, 137-114, alang sa ikalima nilang sagunson nga daog.
Sa laing aksiyon, ang Minnesota Timberwolves mibuntog sa Denver Nuggets, 119-116, didto sa ilang korte.
Si Anthony Edwards mi-iskor og 29 puntos, si Julius Randle midugang og 23 samtang si Rudy Gobert mitimbre og 17 puntos ug 14 ka rebounds sa Wolves.Mihimo sab og kasikas si Nickeil Alexander-Walker nga mitali sa tanan niyang otso puntos sa katapusang kuwarter alang sa Wolves.
Si Aaron Gordon mipabuto og 31 puntos ug 11 ka rebounds alang sa Nuggets.
Sila si Nikola Jokic ug Michael Porter Jr. mikadlit og 26 puntos matag usa apan pareho silang naminghoy kay nahagba na sab ang Nuggets.
Ang laing bitoon sa Nuggets nga si Jamal Murray nakahimo lamang og sayes puntos sa wala pa mibiya sa ikatulong kuwarter kay nayayay.
- Latest
