Lady Tams sinuwag ang Lady Stags sa SSL opener

MANILA, Philippines —  Ipinaramdam kaagad ng Far Eastern University ang kanilang lakas matapos walisin ang San Se­bas­tian College-Recoletos, 25-14, 25-19, 25-20, sa pag­bubukas ng Shakey’s Super League Pre-Season Championship kahapon sa Rizal Memorial Coliseum.

Kinapitan ng Lady Ta­maraws sa opensa si roo­kie middle blocker Clarisse Loresco matapos ilista ang siyam na puntos mula sa anim na attacks, dalawang blocks at isang service ace para sa 1-0 baraha.

Dahil sa impresibong la­ro ay nahirang si Loresco bilang unang Shakey’s Su­per League MVP of the Match.

Dominado kaagad ng La­dy Tams ang laban sa first set matapos ilista ang 25-14 bentahe sa Lady Stags at namuro sila nang magaan pa ring nasungkit ang second frame.

“Masaya po ako na ma­ganda ang inilaro ko and thankful kay coach Tina (Salak) for giving me the opportunity na maipakita ko ‘yung laro ko in today’s game,” sabi ni Loresco.

Bumakas sina veteran Alyzza Devosora at Kyle Pendon ng tig-pitong puntos para sa FEU.

Anim na marka ang idi­nagdag ni Nikka Medina pa­ra sa tropa ni Salak.

Pinamunuan ni Kath Santos ang opensa para sa San Sebastian sa tinikadang siyam na puntos, samantalaang nag-ambag sina Divine Garcia at Juna Gonzales ng tig-imang marka.

Samantala, babangon ang Lady Stags sa ka­bigu­an sa pagsagupa sa NCAA champions St. Benilde Lady Blazers ngayong alas-9 ng umaga.