3rd Bankal Chess Club rapid tourney karong Septiyembre 22
CEBU, Philippines — Ang ikatulong edisyon sa Bankal Chess Club Rapid Tournament gikatakda karong Domingo, Septiyembre 22, didto sa Barangay Bankal gym sa dakbayan sa Lapu-Lapu. Magsugod ang pinug-anay sa utok sa alas 9:30 sa buntag.
Ang walo ka hugna nga kompetisyon nga giorganisa ni Bankal Chess Club executive director Stephen Rosales ug Jonathan Mendola inabagan ni Dr. Edwin Cablao, TESDA-Central Visayas regional director Engr. Gamaliel Vicente, Jr. ug Cebu Executives and Professionals Chess Association (CEPCA) abli lamang sa mga players nga nag-edad og 17 anyos paubos. Ang makampiyon mobulsa og P3,000 samtang ang mopahiluna sa ikaduha ngadto sa ikalima nga dapit makadawat og P2,000, P1,000, P800, ug P600. Ang 6th-10th mokabi og P400 matag usa.
Ang top Bankal member ug lady finisher mokubra og P500 nga bonus samtang ang top kiddies (12 Under) adunay P400 nga insentibo.
Nagkantidad ang rehistrasyon og P200 sa mga club members, ladies, kiddies ug PWDs ug P250 sa regular layers. Kadtong mga interesado moapil mahimong mokontak ni Stephen Rosales sa 09054852026.
- Latest
