NBA mi-iskedyul og lima ka duwa sa Pasko

CEBU , Philippines —  Taliwala sa masadya nga selebrasyon sa tibuok kalibutan, ang NBA mitakda og lima ka mga duwa sa adlaw mismo sa Pasko.

Mabangga mao ang San Antonio Spurs vs New York Knicks, Minnesota Timberwolves vs Dallas Mavericks, ug ang Los Angeles Lakers vs Golden State State Warriors.

Magsangka sab ning espesyal nga adlaw ang Philadelphia 76ers ug defending champion Boston Celtics ug ang Denver Nuggets vs Phoenix Suns.

Sa dili pa kini mahitabo, angayan sab nga atngan ang pagpanulong nilang Klay Thompson ug Paul George sa kanhi nila mga koponan. Si Thompson, nga nakig-alyansa nilang Luka Doncic ug Kyrie Irving sa Mavs, makigharong batok sa Warriors diin siya nakadaog og upat ka korona kauban silang Stephen Curry ug Draymong Green unya sa Nobiembre 12 didto sa San Francisco.

Samtang si George, nga nakighiusa'g puwersa nilang Joel Embiid ug Tyrese Maxey sa Sixers, mosakbang sa LA Clippers diin siya nakaduwa sud sa lima ka tuig sa Nobiembre 6.-