Petecio nalibog sa iyang kapildihan “Sobrang labo.”

CEBU, Philippines — Mao kini ang paghulagway sa Pinayng boksidor nga si Nesthy Petecio sa iyang kapildihan pinaagi sa split decision batok ni Julia Szeremeta sa Poland atol sa semifinal round sa women’s 57kg boxing event sa Paris Olympics kagahapon sa kaadlawon.

Si Petecio nakabira hinoon gihapon og bronze medal human miyukbo sa mas batan-on niyang Polish nga karibal.

Apan nabaraw ang iyang damgo nga ma-away alang sa gold medal nga iyang gihandum sukad siya mipugnit og silver sa Tokyo Olympics tuig ka tuig na ang milabay.

Sa dihang nahinabi human sa away, ang garbo sa Davao del Sur miangkon nga nagdahum gyud siya nga siay maoy ideklara nga mananaog ilabi na kay nakapatupa siya og solidong mga suntok.

“Sobrang labo. Sobrang labo talaga pero yun ang nakikita nila e, so wala tayong magagawa po,” buhagay pa ni Petecio.

“Pero grabe, wala siyang clear punch sa third round. Yung mga body shots ko, yung mga hook ko, pumapasok. Ewan ko, 'di ko alam anong nangyari.”

Bisan pa man niini, si Petecio nagkanayon nga iyang girespeto ang desisyon.

“Yun na nga po, di ko alam e. Lagi akong naco-caution ng referee, 'di ko alam kung bakit. Di ko alam kung ano yung nakikitang side nila and sila na yun, nirerespeto ko yun.” Sa pagka karon, abli pa gihapon ang pultahan sa 32-anyos nga si Petecio nga mobalik og kumbati sa Olympics.

“Tignan po natin. 'Di ko pa po masasabi ngayon pero yun nga, hangga’t kaya ko pa, bakit 'di natin pagpatuloy?”

Ang bronze ni Petecio maoy ikaupat nga medalya sa Pilipinas didto sa Paris sunod sa duha ka golds ni gymnast Carlos Edriel Yulo ug laing bronze sa kauban niyang boksidor nga si Aira Villegas.