Petro Gazz bubuksan ang title defense
![Petro Gazz bubuksan ang title defense](https://media.philstar.com/photos/2024/07/17/4_2024-07-17_20-33-43.jpg)
Kontra Zus Coffee
MANILA, Philippines — Sisimulan ng Petro Gazz ang pagdedepensa sa korona sa pagharap sa Zus Coffee, habang apat pang tropa ang mag-uunahan sa pagtatala ng unang panalo sa Pool B ng 2024 Premier Volleyball League (PVL) Reinforced Conference sa Philsports Arena sa Pasig City.
Ngayong alas-2 ng hapon maglalaban ang Gazz Angels at Thunderbelles kasunod ang upakan ng Akari Chargers at Capital1 Solar Spikers sa alas-4 ng hapon.
Magtatapat ang Choco Mucho Flying Titans at Cignal HD Spikers para sa huling laro.
Nauna nang naglista ng panalo ang Nxled Chameleons, Chery Tiggo Crossovers at PLDT High Speed Hitters sa Pool A.
Muling maglalaro para sa Petro Gazz si Cuban import Wilma Salas katuwang sina Fil-Americans hitters Brooke Van Sickle at MJ Phillips.
Wala naman sa lineup ng Zus Coffee, dating Strong Group Athletics, si No. 1 overall pick Thea Gagate na nag-eensayo sa Alas Pilipinas.
Sasandal ang Thunderbells kay Kurashiki Ablaze star Asaka Tamaru kasama sina reigning NCAA MVP Cloanne Mondonedo, Gayle Pascual, Jade Gentapa at Michelle Gamit.
Samantala, inaasahang magbabanatan ang Choco Mucho at Cignal bagama’t wala sina Alas Pilipinas members Sisi Rondina, Chery Nunag, Vanie Gandler at Dawn Macandili.
Ipaparada ng Flying Titans sina Greek import Zoi Faki, Royse Tubino, Isa Molde, Maddie Madayag at ang bagong hugot na si Dindin Manabat katapat sina Venezuelan reinforcement MJ Perez, Ces Molina, Riri Meneses at Gel Cayuna ng HD Spikers.
- Latest