Kings nahugot si DeRozan sa Bulls

SACRAMENTO - Tuluyan nang napasakamay ng Kings si NBA all-star forward DeMar DeRozan sa pamamagitan ng isang three-year, $74 million sign-and-trade deal.

Sa kasunduan ng tatlong koponan ay ibibigay ng Sacramento si forward Harrison Barnes at isang unprotected 2031 pick sa San Antonio Spurs at dadal­hin si guard Chris D­uarte kasama ang dalawang second-round draft picks at cash sa Chicago Bulls.

Isasama ng Kings si DeRozan kina All-Star guard De’Aaron Fox at All-Star center Domantas Sa­bonis sa kanilang kampanya sa Western Conference.

Ang 34-anyos na six-time All-Star guard ay nagposte ng mga averages na 24 points, 4.3 rebounds at 5.3 assists para sa Bulls sa nakaraang season.

Sa Philadelphia, pi­pirma si free agent forward Caleb Martin sa isang four-year, $32 million contract sa 76ers.

Sa Charlotte, pumayag si free agent forward Miles Bridges sa three-year, $75 million deal para manatili sa Hornets.

Sa Detroit, lalagda si free agent guard Malik Beasley sa one-year, $6 million deal sa Pistons at si Simone Fontecchio sa two-year, $16 million contract.

Sa Denver, pumayag si free agent forward Dario Saric sa two-year, $10.6 million deal sa Nuggets.