Anderson, Melton kinuha ng Warriors
SAN FRANCISCO — Matapos bitawan sina Chris Paul at Klay Thompson ay dalawang defensive-minded veterans ang kinuha ng Golden State Warriors.
Hinugot ng Warriors si forward Kyle Anderson via sign-and-trade para sa isang three-year, $27 million contract.
Ibibigay ng Golden State ang isang future second-round pick at cash sa Minnesota Timberwolves para makumpleto ang usapan kay Anderson.
Naglaro ang 30-anyos na si Anderson ng dalawang seasons para sa Timberwolves na sinibak ng Dallas Mavericks sa nakaraang Western Conference Finals.
Pinapirma naman ng Warriors si free agent two-way guard De’Anthony Melton sa isang one-year, $12.8 million deal.
Napunta si Paul sa San Antonio Spurs, habang lumipat si Thompson sa Mavericks.
Sa Cleveland, mananatili si All-Star guard Donovan Mitchell sa Cavaliers matapos pumayag sa three-year, $150.3 million maximum contract extension.
Sa Indianapolis, lalagda si free agent center James Wiseman sa two-year contract sa Indiana Pacers.
Sa Orlando, magbabalik si free agent Moritz Wagner sa Magic para sa two-year, $22 million deal.
Samantala, inihayag ni All-Star Kemba Walker ang kanyang retirement.
- Latest
