Core Pacific miabante sa SHAABAA playoffs nga way pilde

CEBU, Philippines — Ang Core Pacific Group mitunaw sa Yangtze Ice, 92-54, aron pagpabiling way pilde sa Sacred Heart Ateneo Alumni Basketball Athletic Association (SHAABAA) Season 27 niadtong weekend didto sa Sacred Heart School-Ateneo de Cebu (SHS-AdC) Magis Eagles Arena sa Barangay Canduman, dakbayan sa Mandaue.

Si SHAABAA Chairman Afshin Ghassemi mikadlit og 19 puntos uban ang unom ka rebounds ug duha ka steals samtang si Jeremy Ryan Huang midugang og 18 puntos, usa ka rebound, duha ka assists, ugf tulo ka three steals sa dihang ang Core Pacific miabante sa playoffs isip No.1 seed sa Division A bitbit ang perpektong 4-0 rekord.

Sila si Pierre Mella ug Dave Lim mikuha sab og atensiyon pinaagi sa ilang double-double.

Si Mella mihipog og 14 puntos ug 10 ka rebounds samtang si Lim adunay 10 puntos, 14 ka rebounds, unom ka assists, duha ka steals ug usa ka block alang sa Core Pacific, nga mitagak og 30-7 nga bomba sa ikaduhang kuwarter aron pabugnawon ang Yangtze Ice.

Labaw nang og dako sa halftime, 51-30, ang Core Pacific mipadayon sa ilang kainit sa nahibiling bahin sa duwa dayon na ngadto sa pagkab-ot og impresibong 38 puntos nga demolisyon.

Sila si Nanding Lim ug Elpedio Go parehong mi-iskor og 16 puntos gawas nga nagkumbinar sab sila si 17 ka rebounds, unom ka assists ug tulo ka steals alang sa Yangtze Ice. Si Bimbo Tequillo mitali og 15 puntos, upat ka rebounds, ug duha ka assists sa pilderong kawsa.

Sa laing aksiyon sa Division A, ang GMall of Cebu milampornas sa Magis Medical Fund, 105-53, aron pang-angkon sa ikaduhang luna padung sa Final Four uban ang 3-1 nga baraha.

Si Derick Mangubat maoy nangu sa GMall players uban ang 22 puntos, lima ka rebounds, duha ka assists ug upat ka steals.

Sila si Tonyson Lee ug Mark parehong mirehistro og double-double. Si Lee mitali og 18 puntos ug 12 ka rebounds samtang si Sy mibubo og 167 puntos ug 13 ka rebounds alang sa GMall nga kontrolado kaayo ang duwa sukad misutoy sa sayong 23-8 nga labaw.

Sila si Neil Elumba ug Paulsen Uy nagparamdam sab sa GMall human  nagkumboya'g 23 puntos.