FIVB kumpiyansa sa PHL hosting ng 2025 men’s worlds
MANILA, Philippines — Gagawin ng nag-oorganisang Philippine National Volleyball Federation (PNVF) ang lahat para maging matagumpay ang idaraos na 2025 FIVB Volleyball Men’s World Championship.
Ito ang unang pagkakataon na solong pamamahalaan ng bansa ang nasabing torneo.
“We’re down to 14 months to go and at the rate we’re going, we look forward to aiming for a well-hosted world championship in 2025,” sabi ni PNVF president Ramon “Tats” Suzara na pinasalamatan din ang FIVB sa pagpuri nito sa maayos na hosting ng Volleyball Nations League (VNL) Men’s Week 3 kamakailan sa SM Mall of Asia Arena.
Ang 2024 FIVB Volleyball Challenger Cup (VCC) for Women na magsisimula bukas ay hindi lamang magbibigay sa Alas Pilipinas ng pagkakataong magpalakas sa isang “one miss and you’re out” tournament kundi magiging dry run competitions din ng FIVB Volleyball Men’s World Championship 2025.
“The Philippine’s love for volleyball was clear, setting the stage for the FIVB Volleyball Men’s World Championship 2025,” wika ng FIVB sa kanilang official website. “The Volleyball Nations League (VNL) Men’s pool in Manila … attracted a massive turnout of 45,886 fans eager to witness world-class volleyball, an exciting sign of what is to come for the upcoming FIVB Volleyball Men’s World Championship 2025 in the country.”
Itatampok sa men’s world championship ang top 32 nations, kasama ang host country na Pilipinas, sa event na nakatakda sa Setyembre 12 hanggang 28 sa susunod na taon.
Ayon sa FIVB, ang highest attendance na naitala sa final day ng VNL Men’s Week 3 ay 93.82% kung saan 12,497 tiket ang nabenta sa MOA Arena.
- Latest
