Lady Altas, Junior Altas Girls magdaraos ng tryouts
MANILA, Philippines — Magdaraos ng tryouts ang University of Perpetual Help Lady Altas at defending champions Junior Altas Girls bukas at sa Biyernes sa Home of the Altas Gymnasium 2 sa Barangay Pamplona III, Las Piñas.
Ito ay bilang paghahanda ng dalawang tropa sa darating na NCAA Season 100 sa Agosto na pamamahalaan ng host Lyceum.
Sinabi ni Lady Altas head coach Sandy Rieta na bukas ang tryouts sa mga bagong graduate ng Senior High at transferees habang limitado ang tryouts ng Junior Altas Girls para sa incoming Grades 7, 8, 9, 10, 11 at 12.
Nagtapos na ang playing years sa Lady Altas nina Season 98 MVP Mary Rhose Dapol, Razel Aldea, Krisha Cordero at Charmaine Ocado.
Nakatapos na rin sa Senior High ng Altas Girls sina Finals MVP Jemalyn Menor, Francheska Delgado, Genna Cris Jimenez at Aizel Reyes.
Maglalaro pa rin sa Lady Altas sina Jhasmine Sapin, Daizerlyn Uy, Winnie Bedana, Shaila Omipon, Fianne Arrola, CJ Almeniana, Camille Bustamante, Marian Andal, Charisse Enrico at Joanna Denise Lozano.
Patuloy na kakampanya sa Junior Altas Girls team ni coach Jason Sapin sina Isabel Baser, Sherrie Rose Acosta, Ashlee Buenaventura, Jemma Pingol, Jasmine Monte, Janie Espiritu, Mara Javier, Coelle David, Jamaica San Juan at Ramielle Panganiban.
- Latest
