Wala igsapayan ang makutas nga biyahe Dejaño mapasigarbuhon isip "Sportsman of the Year"

CEBU, Philippines —   Samtang mitambong sa usa ka mahinungdanong komperensiya didto sa Madrid, ang tinamod nga sports medicine specialist nga si Rhoel Dejaño milupad gikan sa Espanya aron lamang personal nga dawaton ang iyang "Sportsman of the Year" award atol sa 38th Sportswriters Association of Cebu-San Miguel Beer (SAC-SMB) Cebu Sports Awards didto sa The Terraces sa Ayala Center Cebu tangkod usa ka semana na ang milabay.

Usa sa mga ningtatak sa gipanghimo ni Dejaño sa Cebu sports mao ang hilom niyang adbokasiya luyo sa libre niyang serbisyo sa nangaangol nga mga estudyanteng atleta ug tabangan sila sa ilang rehabilitasyon aron mabalik ang maayo nilang pisikal nga kondisyon. Sa iyang Facebook post ning bag-ohay pa lamang, ang Cebu City Sports Commissioner misaysay nga nahibawo siya nga hatagan siya og pasidungog sa SAC pinaagi sa presidente niining si John Pages pipila ka adlaw na lamang sa dili pa siya molarga gawas sa nasud.

Nangagpas nga tingalig dili siya makabutho kay lagi toa siya sa langyawng lapyahan atol sa kalihukan sa SAC nga nabalik sa unang higayon sud sa upat ka tuig, si Dejaño gihatagan og opsiyon ni Pages nga mao ang pahatag og mensahe nga gi-record daan o dili ba pinaagi sa zoom.

Apan gipili ni Dejaño ang pabiyahe og kapin sa usa ka libo ka milya aron lamang dawaton ang prestihiyosong pasidungog. Kini bisan paman og kadiyot lamang siyang motunob sa Sugbo kay mobalik sab dayon siya sa Madrid alang sa nahauna niyang kabilinggan.

"In my mind, you don't get such recognition many times in your lifetime. A once in a lifetime event is something that I shouldn't miss," matud pa ni Dejaño. "So I did probably the craziest thing I have ever done in my life. I traveled from Madrid to Cebu for the event, stayed less than 24 hours in Cebu arriving in the morning and flying back in the evening after the awarding to reunite with my mother and niece whom I left in Madrid."

Si Dejaño, nga dugay na kaayong team doctor sa Sacred Heart School-Ateneo de Cebu (SHS-AdC) Magis Eagles ug resident physician sa Cebu Schools Athletic Foundation, Inc. (CESAFI), mapasalamaton sa tanan nga nahimong kabahin sa kalamposan nga iyang nakab-ot karon sa kinabuhi.

"Grateful for everyone who has been part of this incredible journey. This is for you!" padayag pa Dejaño. "Thank you once again to the officers and members of the Sportswriters Association of Cebu for this recognition. "I hope to continue on with my advocacy of practicing my profession to provide medical care to our athletes to the best of my capacity and ability."

"Thank you to all my mentors, colleagues, administrators, staff especially the sports Physical Therapists (PTs) of Cebu, coaches, athletes, and friends as you were always part of this journey. I could not have done it without you," he continued. "Special thanks to my family who continuously support my endeavors especially my number one fan, my dearest Mama Fe Dejaño and my Papa who must be looking proud from up there." Wala igsapayan ni Dejaño ang gihimo niyang sakripisyo.

Ug andam siya nga buhaton kini og balik kon ugaling gikinahanglan alang sa susamang bililhon nga katuyoan.   "Will I ever do it again if I had to?... A resounding Yes! It was worth the trip!" panapos pa ni Dejaño.