Gusto munang magpahinga nina Solomon at Belen

MANILA, Philippines — Isinama ang pangalan nina Alyssa Solomon at Bella Belen ng UAAP Season 86 champions National University sa Alas Pilipinas Women team na isasabak sa Asian Volleyball Confe­de­­ration (AVC) Women’s Challenge Cup sa susunod na linggo.

Pero gusto munang mag­pahinga nina Solomon at Belen matapos banderahan ang Lady Bulldogs sa 2-0 sweep sa UST Golden Tigresses sa kanilang title series.

“Parang pinag-iisipan pa po namin na mag-join ka­­si parang dire-diretso iyong schedule eh,” wika ng UAAP Finals MVP na si Solomon.

Nakatakda ang AVC Women’s Challenge Cup sa Mayo 22-29 sa Rizal Memorial Coliseum sa Vito Cruz, Manila.

Bukod kina Solomon at Belen, ang iba pang collegiate players na nasa listahan ng Philippine Natio­nal Volleyball Federation (PNVF) ay sina Angel Canino, Casiey Dongallo, Julia Coronel at Thea Gagate.

Nasa tropa rin sina Si­si Rondna, Fifi Sharma, Va­nie Gandler, Faith Nis­peros, Dawn Macandili-Catindig, Jia Morado-De Guzman, Eya Laure, Dell Pa­lomata, Cherry Nunag at Jennifer Nierva.