Thunder gibalhiboan na sab ang Pelicans

CEBU, Philippines — Ang Oklahoma City Thunder milampornas na sab sa New Orleans Pelicans, 124-92, aron pagposte og 2-0 nga bentahe sa ilang NBA Western Conference first-round playoff series kagahapon didto sa Paycom Arena sa OKC.

Wala na molingi pa ang Thunder sukad gikontrola ang duwa gikan sa unang kuwarter.

Dominante kaayo ang Thunder nga sa usa ka higayon naglabaw og 34 puntos sa katapusang kuwarter.

Second quarter onwards which reached 34 points at one stage late in the fourth quarter.

Si Shai Gilgeous-Alexander milansang og 13 sa 19 niya ka itsa aron pangulohan ang Thunder uban ang 33 puntos.

Wala magpabitin si Chet Holmgren nga miposte og 26 puntos ingon man si Jalen Williams nga mikolekta g 21 puntos.

Dako sab og naambag si Luguentz Dort nga miposa og upat ka 3-pointers sa iyang 15 puntos alang sa Thunder.

"Within a seven-game series, we've just got to take it day by day and try to get better every day," matud pa ni Gilgeous-Alexander.

"And I think that's what we did tonight. We definitely had a better performance than we did in game one and that's our goal. So we'll take it," dugang pa sa alas sa OKC.

Ang serye motabok didto sa New Orleans alang sa Game 3 karong Domingo.