Embiid mopahuway og usa ka bulan
CEBU, Philippines — Ang sentro sa Philadelphia 76ers nga si Joel Embiid dili makapakita'g aksiyon sud sa usa ka bulan human gi-operahan ang na-angol niining walang tuhod.
Wala hinoon misulti ang Sixers kon unsay gidugayon sa pahuway ni Embiid apan mibutyag nga eksaminon og balik ang reigning MVP sud sa usa ka bulan.
"Joel Embiid had a successful procedure to address an injury to the lateral meniscus in his left knee. He will be re-evaluated in approximately four weeks," matud pa sa Sixers sa usa ka opisyal nga pamahayag.
Si Embiid ang kasamtangang scoring leader sa NBA nga dunay average nga 35.3 puntos matag duwa uban ang 11.3 rebounds ug 5.7 assists.
Ang 29-anyos nga Cameroonian big man mikulit og franchise-record nga 70 puntos uban ang 18 ka rebounds sa 133-124 nilang kadaogan batok sa San Antonio Spurs niadtong Enero 22.
Si Embiid nayayay og balik tangkod usa ka semana karon atol sa ilang duwa batok sa Golden State Warriors sa dihang nadat-ogan ang iyang paa ni Jonathan Kuminga samtang nag-inilogay sila sa bola.
Si Embiid nakapalta og 15 na ka mga duwa ning season hinungdan nga na dili na niya madepensaan pa ang iyang korona isip MVP.
Sa pagka karon, ang 76ers ikalima sa Eastern Conference bitbit ang 30-18 rekord.
- Latest
