Embiid operahan  ang tuhod

CEBU, Philippines — Si NBA superstar Joel Embiid sa Philadelphia 76ers gikatakda nga operahan aron ayuhon ang na-angol niyang tuhod.

Mao kini ang gitaho sa The Athletic ug ESPN kagahapong adlawa.

Wala pa hinooy klaro sa pagka karon kon kanus-a makabalik og duwa ang Cameroonian center nga amoy reigning MVP sa liga.

Taas-taas hinoon ang panahon nga igahin ni Embiid alang sa iyang rehabilitasyon aron siya makabalik sa ensakto niyang pisikal nga kondisyon.

Wala pa hinoon matuldoki sa hingpit ang season ni Embiid apan mahibaw-an ang tanan pagkahuman sa iyang operasyon.

Si Embiid, ang NBA scoring leader karong season uban ang average nga 35.3 puntos matag duwa, nayayay og balik atol sa ilang duwa batok sa Golden State niadtong Miyerkules sa miasing semana sa dihang nadat-ogan ang wala niyang paa ni Jonathan Kuminga sa Warriors samtang nag-inilogay sila sa bola.

Sa wala pa kini mahitabo, si Embiid, nga dunay say 11.3 ka rebounds ug 5.7 ka assists matag duwa, nakapalta nang daan og duha ka duwa tungod kay dunay dili maayong gipamati sa susamang tuhod. Sa kasamtangan, ang Sixers ikalima sa Eastern Conference bitbit ang 30-18 rekord.