Dwight Howard nahimamat si 'trainer' Pacquiao

CEBU, Philippines — Gibati og tumang kalipay si kanhi NBA star Dwight Howard human iyang nahimamat si Pinoy ring legend Manny Paqcquiao.

Inunaban og pasumbingay, si Howard nagkanayon nga iya na gyud nakit-an ang 'trainer' nga moandam kaniya alang sa usa ka away batok sa boksidor ug YouTuber nga si Jake Paul.

"I saw Manny Pacquiao was in Taiwan while I was in the Philippines how ironic. Long story short it all worked out and I finally found a trainer to prepare me for this Jake Paul fight. Who ya got winning?" suwat pa ni Howard sa iyang X nga mao kanhi ang Twitter diin siya mi-post og mga bidyo sa ilang panagkita ni Pacquiao.

"Me and Manny Pacquiao. Jake Paul, I'm coming for you, baby!" buhagay pa ni Howard sa video. "I'm coming. Let's go!".

Ang kanhi NBA champion ug three-time defensive player ania karon sa Pilipinas nag-training isip kabahin sa Strong Group Athletics team nga mokumbati sa 33rd Dubai International Basketball Championship sud nilang bulana.

Makauban ni Howard ang sama niyang mga kanhi NBA players nga sila si Andre Blatche ug Andre Roberson ug si kanhi TNT Tropang Giga import Mckenzie Moore.