Makasaysayanong Handuraw arnis tournament sa Dapitan nagmalampuson

CEBU, Philippines —  Naglagiting nga kalamposan ang natagamtaman sa mga nagorganisa sa labing unang Mayor Seth Frederick Jalosjos Invitational Arnis Tournament nga gikumbatihan niadtong Disiembre 28-30 didto sa Dapitan City Cultural and Sports Center sa Zamboanga del Norte.

Ang tulo ka adlaw nga torneyo kabahin sa "Handuraw Festival" sa Dapitan nga gipahigayon agi'g paghandum sa ika-127 nga anibersaryo sa pagka-martyr sa nasudnong bayani nga si Dr. Jose Rizal.

Ang kagamhanan sa Dapitan ubos sa liderato ni mayor Bullet Jalosjos, nga usa sab ka eskrimador, nangusog nga iapil ang arnis sa mga aktibidades sa Handuraw, kay gawas nga mao kini ang nasudnong paugnat sa kusog sa Pilipinas, gitudlo sab kini ni Rizal sa iyang mga estudyante ug sa mga Dapitanons atol sa upat ka tuig niyang pagpuyo sa dapit niadtong panahon sa mga Kastila.

"It was great tournament involving a traditional Filipino martial art. The indigenous populations of the Philippines who used an assorted range of weaponry for combat and self-defense developed this kind of martial art and sport, which involved rattan, swords, daggers, and spears encompassing both simple impact and edged weapons," matud pa ni Dapitan Tourism Officer Apple Marie Adasa Agolong.

"This martial art was also among the many sports activities taught by Dr. Jose Rizal to his students during his four year stay here in Dapitan with the cardinal principle to respect one's opponent as a person and as a fighter, and as a sportsman. It also teaches to remember that an opponent is a human being with a dignity as one have and worthy of respect," dugang pa ni Agolong.   

Gisalmotan og kapin sa usa ka gatos ka mga batan-ong arnisadors gikan sa nagkadaiyang dapit sa Mindanao, ang makasaysayanong kompetisyon nahimong posible tungod sa inisyatiba ni Leovemar Cris Saldon Hamoy, ang head coach sa PARAK SBB Arnis Team nga maoy mihimo og representasyon aron ang maong kalihuikan mahitado sa Dapitan.

Gitambongan kini mismo ni Grandmaster Efren Apresto, ang bise presidente sa Philippine Eskrima Kali Arnis Federation (PEKAF) sa Mindanao. Si Hamoy nagsilbeng tournament director samtang sila si coach Jeffrey Billones ug coach Charity Aripal ang event manager ug consultant.