USC Warriors mapasigarbuhon sa nalabni nga bronze medal

CEBU, Philippines — Ang University of San Carlos (USC) Warriors hapit wala makasud sa Final Four sa 23rd Cebu Schools Athletic Foundation, Inc. (CESAFI) basketball season.

Salamat sa desisyon sa liga nga i-forfeit ang tulo ka daog sa University of San Jose-Recoletos (USJ-R) Jaguars tungod sa diskwalipikasyon ni EJ Agbong, ang Warriors maoy miangkon sa ikaupat ug katapusang luna sa semifinal round uban ang 6-4 win-loss rekord. 

Apan ang Warriors dili pa makahudyaka sa hingpit kay nasayud nga ang sunod nilang sangkaon mao ang way pilde ug twice-to-beat nga defending champion University of the Visayas (UV) Green Lancers.

Wala gyud makalahutay ang Warriors gumikan gipatikangkang sila sa Lancers sa semis, 49-69.

Nadakin-as ngadto sa gubat alang sa ikatulong dapit, gipahimuslan og maayo sa Warriors kon unsay nahibilin kanila.

Ilang gipakuratan ang No.3 seed University of Southern Philippines Foundation (USPF) Panthers, 59-57, aron angkonon ang bronseng medalya nga wala nila damha.

Nakahatag kiini og tumang kalipay ug garbo sa dughan sa Warriors.

"Without my staff and the heart of my players, I don't know if we can pull this third place this season. Their heart played a key role. We won because of them. They never gave up on each one and our team," matud pa ni SC head coach Paul Joven.   

"Winning the championship is always the goal. But I told them were gonna celebrate small wins like third place," dugang pang Joven. "More importantly, I always remind them that winning in basketball is just a bonus because getting good grades, passing their subjects, and graduating here in USC is what really matters most."