Azkals lineup hitsas na alang sa FIFA World Cup qualifiers
CEBU, Philippines — Sila si Neil Etheridge, Mike Ott ug Bienvenido Maranon maoy mangu sa 26-man lineup sa Philippine Azkals sa nag-una nilang duha ka duwa FIFA World Cup qualifiers nga ipahigayon didto sa kaulohan.
Pormal kining gipahibawo sa Philippine Football Federation (PFF) kagahapong adlawa.
Si Etheridge ang magsilbe nilang team captain.
Gawas nilang Ott ug Maranon, maglangkob sab sa Azkals sila si Daisuke Sato, Kevin Ray Hansen, Patrick Deyto, Simone Rota, Carlos Martinez de Murga, Jefferson Tabinas, Christian Rontini, Jesse Curran, Santiago Rulico, Dennis Villanueva, Simen Lyngbo, Pocholo Bugas, Jose Porteria, Manuel Ott, Oskari Kekkonen, Kevin Ingreso, Mikel Baas, Patrick Reichelt, Audie Menzi, Marwin Angeles, Jesus Melliza, Kenshiro Daniels ug Stephan Schrock.
“It’s a good mixture of experienced mainstays for a long time and young well-developing talents brought on by the recent performances of Philippine clubs in AFC competitions," matud pa ni head coach Michael Weiss.
“It gives us reason to be optimistic for our first World Cup qualifier matches against Vietnam and Indonesia,” dugang pa niya.
Ang Azkals makigsangka batok sa Vietnam karong Nobiembre 16 ug Indonesia sa Nobiembre 21 didto sa Rizal Memorial Football Stadium sa Manila.
- Latest
