Miss Universe makita sa nagkalain-laing ABS-CBN platforms
Masaksihan sa kadaghanan ang pakigtigi ni Michelle Marquez Dee aron malangkat ang korona isip Miss Universe gumikan kay ipakita sa ABS-CBN ang ika-72 nga edisyon sa Miss Universe sa nagkalain-laing platforms nga lakip na sa A2Z Channel 11, Kapamilya Channel, Metro Channel, ug iWantTFC, kaorng Nobyembre 19 (Domingo) sugod alas 9 sa buntag.
Live nga malantawan gikan sa El Salvador ang kompetisyon kun diin makatigi ni Michelle ang 89 nga ubang kandidata nga gikan sa nagkalain-laing nasud.
Gipaabot ang pagbaha sa supporters sa pambato sa nasud ug nag-atang sa pagrampa samtang nakasul-obsa swimwear ug evening gown, lakip napud ang gikahanaman nga Q&A portion. Nagpanikad na ang viewers kun kinsa ang mosunod sa tunob ni 71st Miss Universe R'Bonney Gabriel sa USA.- Sanden J. Anadia
"It's Your Lucky Day” gisugdan na
Nisikad na sa kagahapon ang temporaryong noontime show sa ABS-CBN nga " It's Your Lucky Day” kun diin nidalit kini og hugyaw nga segments.
Ang maong programa kay gipangulohan ni Luis Manzano nga maoy nihulip sa oras sa nasuspenso nga It's Showtime sulod sa 12 ka adlaw.
Kauban ni Lucky sa maong programa sila si GB Long Mejia, Negi, Jennie Garcia, Melai Cantiveros, Francine Diaz, Seth Fedelin, Divine Tetay, Petite, ug Shaina Magdayao. - Sanden J. Anadia
Gabbi andam na sa mature roles
Andam na modawat og mature roles ang Kapuso star nga si Gabbi Garcia sanglit nagdagan ang adlaw ug nagkasaka na ang iyang pangedaron.
“I’m turning 25 this December, so siyempre, you wanna move forward, you wanna improve more, you wanna grow. So there’s no way to go but really that path," saysay pa sa aktres sa interview niini sa 24 aoras.
Mapasalamaton usab ang aktres sa tanang nahimout sa iyang role sa heavy drama series nga “Unbreak My Heart” .
“Everytime I go out…mostly mga parents ‘yung lumalapit sa akin. I-e-express nila na nakakainis ‘yung character ko, ano kaya ang mangyayari,” niya pa. -SJA
Nakalangkat og nominasyon
Nominado sa Tokyo International Film Festival ang pelikulang "The Fisher," kung diin nalakip nini ang aktor nga si Enchong Dee. Gipasigarbo og maayo ni Enchong ang maong pelikula gumikan sa nindot nga dagan sa istorya niini. Dakong garbo alang kaniya nga mahimong kabahin ang iyang pelikula sa usa ka prestihiyosong film festival.
685 million views
Samtang nagdagan ang adlaw, nakatala na og kapin sa 685 million views ang “ABS-CBN Ball 2023: Forever Grateful” sa nagkadaiyang social media platforms. Kahinumdoman nga ang maong star-studded ball kay naka-stream sa mga YouTube channel sa ABS-CBN Entertainment, Metro.style, iWantTFC, TFC ug uban pa.Tipik sa kita sa maong kalihokan kay ihatag ngadto sa ABS-CBN Foundation alang sa mga benepesaryo sa Sagip Kapamilya, Bantay Bata 163, Programa Genio, Bantay Kalikasan, ug Integrated Area Development.
“Yu Yu Hakusho"
Gianunsyo na sa Netflix ang petsa alang sa pagpasalida sa live-action adaptation sa "Yu Yu Hakusho". Si Sho Tsukikawa ang direktor sa maong series nga makita na sa maong streaming service sugod karong Disyembre 14. Giatngan na kini og maayo gumikan sa paglugwa nagkalain-laing karakter. –Sanden J. Anadia
Pagsagpa kang Kim nag-trending
Trending ang pag-atubangay sa mga karakter nila ni Maricel Soriano ug Kim Chiu sa seryeng "Linlang" sa niaging gabii. Sa maong episode, nakadawat og sipa nga sagpa si Kim gikan ni Maricel.
Una na nga gibutyag ni Kim nga dakong garbo alang kaniya nga masagpaan sa Diamond Star. Makita usab ang maong Kapamilya series sa Prime Video nga dunay bag-ong episodes matag Huwebes. -SJA
James ug B.I. nagpares sa "Jacuzzi"
Nagkolaborasyon ang actor-singer nga si James Reid ug ang South Korean artist nga B.I. alang sa latest track nga "Jacuzzi" ug madungog na kini sa nagkadaiyang music streaming platforms.
Ang maong awit kay naghisgot sa pagamit sa saktong oras alang sa gikahinaman nga mga butang. ‘I tried to capture the happiness and enjoyment that music can provide. I wanted to create a straightforward, enjoyable banger that perfectly represents a carefree, joyous moment. Although life might be challenging and serious at times, sometimes it's just a jacuzzi," nagkanayon si James . -SJA
Ayanna mopahuway na sa paghubo
Gihinay-hinayan na sa Vivamax star na si Ayanna Misola ang pagbalibad og sexy projects.
Nagkanayon ang aktres nga gusto na usab niya nga masuwayan ang laing klase nga proyekto busa mopahuway na siya sa paghubo atubangan sa kamera.
Matud pa ni Ayanna nga gihuna-huna gyud niya og maayo sa wala pa siya mopakanaog sa iyang hukom.
- Latest
