Navotas, Marikina namuno sa EABL
MANILA, Philippines — Dumiretso ang Smash Navotas at RPBY Marikina sa ikalawang sunod na panalo matapos talunin ang mga karibal sa East Asia Basketball League (EABL) 23-Under Championships sa Brgy. Jesus Dela Pena Gym sa Marikina City.
Tinakasan ng Navotas ang Olivarez via double overtime, 98-93, tampok ang inihulog na 21 points ni Vincent Tibang.
Nagdagdag si Patrick Ziolo ng 18 markers, 2 assists at 3 steals para sa kanilang ratsada sa ligang inorganisa ng EABL sa pamumuno ni chairman Joseph Jocson at katuwang ang Batang Maynila Inc. at Klin-C.
Itinakas naman ng Marikina ang 95-94 overtime victory laban sa Taytay Smiles para makasosyo ang Navotas sa liderato.
Humataw si Aron Estacio ng 25 points para pamunuan ang Shoemakers.
Nagmula ang RPBY Marikina sa 82-79 pagdaig sa Mapua 512 Trading Inc. sa pagsisimula ng liga.
Ikinatuwa ng EABL ang suportang ipinagkaloob ni dating PBA star at legend Alvin Patrimonio na personal na hinikayat ang mga kabataan na suportahan ang misyon ng liga na mapaunlad ang basketball grassroots program.
Magpapatuloy ang aksyon sa Sabado kung saan maghaharap ang Mapua 512 Trading Inc. at Asiatech Jaguar sa alas-4 ng hapon kasunod angb upakan ng Olivares at Selection Makati sa alas-5:30.
Mapapanood nang live ang EABL via livestreaming sa official Facebook page ng liga na https://www.facebook.com/EastAsiaBasketballLeague.
- Latest
