2nd Rey Gealon scrabble tourney kasado na
CEBU, Philippines — Andam na ang tanan alang sa 2nd Councilor Rey Gealon Scrabble Tournament karong Sabado, Septiembre 9, didto sa City Wing sa SM Seaside Cebu.
Giorganisa ni Cebu City Councilor Rey Gealon inabagan sa Cebu Scrabble Association ug Cebu City Sports Commission, ang usa ka adlaw nga torneyo abli sa mga magduduwa sa elementarya ug high school.
Gawas sa medalya, ang makampiyon sa high school division mobulsa og P5,000 samtang ang mopahiluna sa ikaduha ngadto sa ikalimang dapit makadawat og P3,500, P2,500, P1,500, ug P1,000.
Ang top 5 sa elementary catergory mokubra og P4,000, P3,000, P2,000, P1,000, ug P700.
Ang rehistrasyon nagkantidad og P150 sa elementary ug P200 sa high school players.
Dunay sertipikasyon sa ilang pagsalmot sa kompetisyon ang tanang mga partisipante.
- Latest
