??????Filipinas paghahandaan ang Asiad at Olympic qualifying

MANILA, Philippines — Bukod sa 19th Asian Games ay paghahandaan din ng Philippine women’s football team ang Olympic Qualifying Tournament ngayong taon.

Sasalang ang Filipinas sa Asian Games sa Hangzhou, China sa Setyembre 19 hanggang Oktubre 7 at sa Olympic qualifying sa Australia simula sa Oktubre 26.

Nagmula ang mga Pinay booters sa makasaysayang paglalaro sa 2023 FIFA Women’s World Cup sa New Zealand kung saan sila gumawa ng eksena.

Inaasahan ni goalkeeper Olivia McDaniel na mada­dala nila ito sa Hangzhou Asiad at sa Olympic qualifying.

“As a team, we’re gonna refocus and start from there and look forward to those two important tournaments coming up,” wika ni McDaniel.

Wala pang inilalabas na official lineup ang Philippine Football Federation (PFF) para sa Asian Games, ngunit inaasahang isasabak sa nasabing quadrennial event ang tropang lumaban sa FIFA Women’s World Cup.

Kakamapanya ang Filipinas sa nasabing dalawang torneo na wala si Australian coach Alen Stajcic.

Hindi na kasi nag-renew ng panibagong kontrata si Stajcic sa PFF para patuloy na hawakan ang koponan.

Kamakalawa ay tinanggap ni Stajcic ang coaching job sa Perth Glory sa A-League sa Australia.

“As long as we keep our core values the same, we remain together as a group and as a family, it doesn’t matter who our coaching staff is,” sabi ni Filipinas defender Sofia Harrison.