Spence vs. Crawford, kinsay maghari sa welterweight division
CEBU, Philippines — Makita na ang katag karong adlawa tali sa duha ka protagonistang parehong wala pay pildi nga sila si Errol Spence ug Terrence Crawford aron maghagi sa welterweight division. Si Spence naghupot og 28-0-0,22KO, lumad nga taga Dallas, Texas samtang si Terence Crawford 30-0-0,30KO taga Omaha, Nebraska.
Atol sa weigh-in, si Spence nitimbang og 147lbs samtang si Crawford 146 ¾lbs. dili managlayo ilang timbang. Pareho sab gipaabot nga mosaka sila sa ring lapas 150 lbs. matag usa.
Ang mega fight matuldokan na karong adlawa human sa unom ka ka tuig nga pagparang-parang sa duha. Karong adlawa makita na ang katag kun kinsa kanila maoy ibayaw nga hari a welterweight division diha sa T-Mobile Arena sa Las Vegas, Nevada.
Si Spence mao ang kasamtangang unified WBA/WBC/IBF welterweight champion (147lbs) samtang si Crawford kasamtanga WBO welterweight champion ug nahimong 3-division champion (lightweight, undisputed junior welterweight, welterweight).
Tungod sa grabeng promosyon ug media hype, sold out na ang mga tiket samtang makita sab kini Showtime PPV.
Ang duha parehong maayo og mga agi sa kataposan nilang mga away maong gipaabot nga all-out ang duha aron magpabiling walay tatsa ilang mga rekord ug maghari sa mga dibisyon.
Ang pangutana nalang karon kun kinsa sa duha ang mas agresibo ug kinsay unang makapatumba. Hinuon si Spence naila na nga fast starter bisan sa mga unang mga rounds palang gamit iyang makawingig nga jabs samtang ang southpaw nga si Crawford naila sab nga hinay sa sinugdanan. Apan kinahanglan niyang makigsabayan kang Spence aron dili siya malubong sa puntos. Apan dunay gamay nga apan si Spence, dili siya kadtong boksidor nga mahiligon sa depensa, naanad siya sa opensa nga nakitang posibleng maoy problema kaniya. Daugon nalang ba niya kini sa footwork? Si Crawford gipasanginlang nakaabot lang sa iyang trono karon tungod kay wala siya makasugat og elite fighters sama ni Spence kinsa gikan sa laing promoter.
Wala na kwentaha ang away ni Crawford sa usa sa mga banggiitang fighters nga si Shawn Porter bisan siya pay nidaog kay matud pa padung malawos ang naulahi sa dihang sila nagsangka.
Samtang si Spence gisaway sab kay wala pa siya makasuway og sangka og sama og kalibre ni Crawford nga gikonsiderar karong No. 1 “Pound for Pound” (P4P) best fighter in the world.—IBM
- Latest
