Blu Girls gitagak sa Italy
CEBU, Philippines — Dili na makaabante ang Philippine Blu Girls sa ilang kampanya sa Women’s Softball World Cup human kini nabawsan sa Italy 6-5 nga una nilang gipildi sayo ning semanaha .
Nangusog pagayo sa depensa ang Italy batok sa Blu Girls hangtud sa ika-lima ug ika pito nga innings nga maoy nakapadaog kanila. Daghan unta og oportunidad ang Blu Girls sa katapusang inning arun makatabla, apan napakyas si Reyae Villamin human na out ang bola pag hapak ni ini.
Maayo ang pagsugod sa duwa sa Blu Girls, unang naka iskor pinaagi sa pag dagan sa right center ni Alaiza Talisik, hinungdan nga na naka home si Skylynne Ellazar sa unang inning.
Apan nikalit og bulhot ang Italy ug niiskor sila og tulo ka run offs, usa kang Giulia Koutsoyanopulos ug nasundan sa iyang mga kauban nga silang Fabrizia Marrone ug Elisa Cecchetti hinungdan nga silay naka labaw 3-1.
Apan gitabla kini ni Elsie dela Torre, human sa two-runs batted sa third inning hinungdan nga nakadagan sia home base silang Francesa Altomonte ug Ellazar.
Apan nakabawos na sab ang italy pinaagi sa duha ka dagan nilang Anita Bartoli ug Ceccheti sa home base hinungdan nga nakalabaw nasad sila og duha 5-3.
Natabla ang duwa sa iskor na 5-5 sa katapusang inning, apan napakyas ang Blu Girls ni ining puntoha ug maoy nakapatapos sa ilang kampanya sa Softball World Cup.
Ang United States, Australia, Puerto Rico, Netherlands, Japan, Canada, Italy ug China maoy magkarambola sunod tuig sa finals sa World Cup nga ipahigayun sa Italy gihapon.
Ang Italy daan ng dunay spot sa World Cup bisan napildi pa sila sa Pilipinas tungod kay sila maoy mo-host niini sa sunod tuig.
Ang Pilipinas nga nakasud playoffs human ilang gipilde ang Italy sa unang nilang duwa hangtud sa elimination game, gisundan sad sa kadaugan nila batok New Zealand.
Apan bisan sa pagkataktak sa Blue Girls sa torneyo, daghan ang miabiba kanila ilabi na ang mga dagkong mga koponan tungod kay wala sila magtuong moabot na sa maong level sa softball ang gamay nga nasud sama sa Pilipinas.
- Latest
