Adiwang di interesadong banggaon si Pacio
CEBU, Philippines — Direktang gibalibaran ni Lito Adiwang ang mga namugos nga pasangkaon silang duha sa kaniadto iyang stable mate sa Team Lakay nga si Joshua Pacio.
Si Pacio mao karon ang naghupot sa ONE strawweight world championship samtang si Adiwang maoy usa sa mga contender niining maong bakus.
Sukad pa kaniadto sa dihang naguban pa sila sa Team Lakay, duna nay mga nanggawas nga ingon niana nga mga posibilidad, ug karong silang duha parehong namiya sa ilang kanhi stable, nabanhaw na sab ang maong mga estorya.
"I think Joshua has already answered that. What was left to us was respect for each other and our brotherhood," matud pang Adiwang sa interbyu kaniya sa Sparring Sessions.
"Before, whenever that question was asked we were hesitant but if it had to happen we had to do it just to be professionals in the sport. He was the champion and if there were no other challengers to fight, we had to be professionals," matud pa hinuon ni Adiwang sa report sa GMA News.tv.
May pagkaparehas ang rason ni Adiwang sa uban niyang mga kanhi kaubanan sama ni Pacio nga namiya sab sa Team Lakay, nga gusto nilang molambo pa ug makab-ot ang kinatas-ang maabot sa ilang karera sa MMA.
Si Pacio, Eduard Folayang, Kevin Belingon, ug Honorio Banario ug Adiwang mibiya sa Team Lakay niadto pang bulan sa Marso.
Si Adiwang naa nakaron sa HIIT Studio sa Bali, Indonesia.
"Now there is no reason for us to fight. There is a different champion now and the goal is to climb [in weight]. There are many good possible opponents so I really do not see ourselves fighting," Adiwang bahin sa posibilidad nga pasangkaon silang duha ni Pacio. — IBM
- Latest
