Wemby di na padayunon og duwa sa Summer League
CEBU, Philippines — Gipahibalo sa San Antonio Spurs nga dili na nila padayunon sa pagduwa sa NBA Summer League ang ilang No. 1 overall pick Victor Wembanyama hangtud nga mahuman ang liga.
Si Wembanyama mi-averaged og 18 points, 10 rebounds, upat ka blocks sa 41 percent shooting sa sud sa duha niini ka duwa sa Las Vegas.
Sa kataposan niyang duwa batok sa Portland Trailblazers diin sila napildi, si Wembanyama nakahipos og 27 points ug 12 rebounds. Bisan pa sa ilang kapildihan, daw nakita na sa Spurs ang potensyal ni Wemby sa umaabot nga regular season.
"I know I got to talk with Pop," matud pang Wembanyama bahin sa tinguha niyang hangyuon si Coach Gregg Popovich human sa ilang duwa niadtong Domingo batok sa Trailblazers. Gusto pa sa 21-anyos nga French 7’4 center nga mopadayon og duwa sa Summer League.
"I'm going to listen to what he's going to say, but I'm ready to make any sacrifice for the team and give 100 percent," panapos pa niya.
Sa una niyang duwa batok Charlotte Hornets, nakahimo lang si Wembanyama og dos puntos batok sa 13 puntos sa No.2 overall pick sa kaatbang nga koponan nga si Brandon Miller.
Kun mao na kini ang desisyon ni Popovich, dili na moduwa si Wemby sa sunod nilang duwa batok sa Washington Wizards karong adlawa ug Detroit Pistons sa Biyernes. — IBM
- Latest
