Pinoy boxers gilaumang makadala og Olympic Gold medal

CEBU, Philippines —  Dako ang paglaum sa Association of Boxing Alliance in the Philippines (ABAP) nga makabitbit og daghang medalya ug may posibilidad pang bulawang medalya ang mabitbiti sa mga Pinoy boxers sa umaabot nga Paris Olympics.

Si kanhi ABAP president  Ricky Vargas niadtong 2009 misaad nga kun makaapil na ang Pilipinas katulo sa Olympics siguradong makakuha na gyud kini og bulawang medalya.

“Mukhang this is as good a chance as any to get a gold medal,” pagdason pa sa bag-ong presidente sa ABAP nga si Antipolo congressman Robbie Puno atol sa interbyu kaniya ni Noli Eala Power and Play sa Radyo5 sa report sa ONESports.

Niadtong 2020 Tokyo Olympics ang Pilipinas nakasakmit og pinakadaghang medalya sukad nga niapil ang nasud sa Olympics. Apil niini ang bulawang medalya ni weightlifter Hidilyn Diaz.

Siya pa ang labing unang atletang Pilipino nga nakadala og Olympic gold medal para sa nasud. Samtang si Nesthy Petecio  mao pa ang labing unang Filipina atlether nga makadaog og Olympic boxing medal ug labing unang silver para sa Philippine boxing sud sa nangaging 25 ka tuig sunod ni Onyok Velasco. Samtang si Carlo Paalam nakadala sab og silver medal ug  bronze medal sab kang Eumir Marcial.

Matud pa ni Puno sigurado nga sa boksing makahipos og daghang medalya ang Pilipinas ug posible pa gyung makabitbit og bulawang medalya nga wala pa sukad madag-I sa mga Pinoy boxers sa Olympics.

Walay lipud-lipod nga gipadayag ni Puno nga ang 31-anyos nga si Petecio maoy magdala og bulawang Olympic boxing medal para sa Pilipinas. Si Petecio maoy nakakuha sa gold medal sa 57 kg division sa bag-ohay nahuman nga 32nd Southeast Asian Games.

“Probably our number one chance to get gold in the Olympics,” ni Puno pa.

Samtang si Paalam posible sab nga makakuha sa maong bulawan human sa impresibo niining gipakita sa Tokyo Olympics pagsakmit sa silver sa 51kg division ug bulawang medalya sa 54Kg SEA Games. Gikompirmar sab ni Puno nga ang nag-pro boxing nga si Marcial mobalik sab aron moduwa balik sa Asian Games  bos sa 80 kg division.

Nasayran nga ang boxing organizers sa Paris modawat lang og 120 spots para sa mga babaye ug mga lalaki. Dili parehas sa SEA Games nga 11 ka division ang kombatihan, sa Olympics pito lang sa lalaki ug unom sa babaye.

Apan una pa sila mo-qualify sa Paris Olympics, kinahanglang makakuha og bronze medal ang mga babaye ug makaabot sa final rounds ang mga lalaking boksidor aron makakuha og spot.

“This is the cycle we’re supposed to get the medals we promised. The correct response is to prepare properly,” matud pang Puno.