Spence vs. Crawford, best welterweight matchup?

CEBU, Philippines — Human nakasado ang sangka tali sa duha ka mga banggiitang boksidor sa welterweight divisions nga silang Errol Spence Jr. ug Terence Crawford, nanggawas dayon ang mga pangagpas nga mao unya kini maoy makonsiderar nga “Best welterweight fight” sud sa nakalabay nga 40 ka tuig.

“I feel like it’s the best fight, welterweight fight, in the last probably 40 years,” gikan mismo sa baba ni IBF/WBA/WBC welterweight champion Errol Spence Jr. atol sa ESPN’s “First Take” segment.

Atubangon ni Spence si WBO titlist Crawford karong Hulyo 29, 2023. Kahinumdoman nga ang duha parehong giparang kang 8-division champion Manny Pacquiao nga mitaak sab kaniadto ug nanghawod sab sa welterweight apan pulos wala madayon tungod sa nagkalain-laing mga rason.

Ang sangka karon sa duha gikumparar pa gani sa mga boxing pundits sa mga dagkong welterweight fights tali sa mga banggiitang kampeyon sa nanglabay nga mga dekada.

Niadtong 42 ka tuig na ang nakalabay, gibanabanang 10 anyos pa silang Spence ug Crawford nahitabo ang kulbahinam nga panag-abot sa ring nilang Sugar Ray Leonard ug Thomas Hearns sa welterweight division. Gibansagan kadto nga “The Showdown” nga nahitabo Septiyembre 16, 1981.

Parehas nilang Leonard ug Hearns, sila si Spence ug Crawford  gikonsiderar pud nga mga “best fighters.” Giharos sab nila ang maong dibisyon sa sud sa ilang mga organisasyon hangtud nga wala nay nahabilin para sangkaon.

Leonard-Hearns I – si Leonard nga gibansay sa bantogang boxing trainer nga si Angelo Dundee mi TKO ni Hearns sa 14th-round TKO. 

 Gikomparar sab ang umaabot nga sangka sa duha sa sangka nilang Pernell Whitaker, 32-1 (WBC champopm) batok ni Julio Cesar Chavez, 87-0 niadtong Sept. 10, 1993, sa Alamodome, San Antonio:

Si Chavez nanghakot og mga world titles gikan sa pagsugod niya sa 130, 135 ug 140-pound divisions, samtang si Whitaker nakahipos sab og susamang mga titulo gikan sa 135, 140 ug 147.

Sila maoy gikonsiderar kaniadto nga mga one-two sa pound-for-pound ratings  ug ang ilang panagabot dili na gyud mapugngan ug gibansagan kadto og “The Fight.” Nakataya niini ang bakus sa WBC ni Whitaker.

Si Chavez nga gibansagang “El Gran Campeon Mexicano” gikulata og maayo ni Whitaker. Si Chavez wala maanad sa timbang niini nga 142 lbs. (145 lbs. ang catchweight anang tungora) sa dihang misaka siya sa ring. Sukad-sukad wa pa siya makaaway og championship fight ubos sa maong timbang.

Apan ang maong away gibansagan nga labing hawsyaw nga performance sa judges, tabla ang ilang hukom.

Hinuon gikumparar ang maong duwa nilang Spence ug Crawford tungod sa edad, si Chavez 31 samtang si Whitaker 29 adtong panahona.  Sunod nga gitandi mao ang Oscar De La Hoya (WBC champ), 31-0, vs. Felix Trinidad (IBF champ), 35-0, niadtong Sept. 18, 1999, sa Mandalay Bay, Las Vegas.

Nakauna na nga nakahupot og world title si Trinidad kang De La Hoya. Si Dela Hoya mao pay pagsud sa pro boxing sa dihang gi-dominar ni “Tito” ang welterweight division. Apan ang gibansagang “Golden Boy” hinayhinay na sab nikamada og mga world titles sa 130, 135 ug 140 lbs.

Nakasangkab sab ni De La Hoya sa 147-pound niadtong 1997 batok ni Whitaker ug nidaog pinaagi sa desisyon.

Ang Puerto Rican nga si Trinidad, taas ug naila nga dunay usa lang ka estorya, kun buot niyang pakatulgon ang kontra iyaha gyud kining nabuhat.

 Sa dihang nag-abot ang duha, wala pa silay pildi. Atol sa ilang sangka, nag-amping og maayo si Dela Hoya, boksing diri, boksing didto aron pagtigom og puntos, apan wala mahimuot ang mga fans.

Uwahi ng miarangkada si Tito aron pagilog sa kadaugan. Naapil sa pagtandi ang maong away nilang Spence ug Crawford tungod sa ilang record nga pulos walay pildi.

Sunod gitandi ang Oscar De La Hoya (WBC champ), 32-1, vs. Shane Mosley, 34-0, niadtong Hunyo 17, 2000, sa Staples Center, Los Angeles diin si Mosley maoy midaog pinaagi sa split decision.

Silang Dela Hoya ug Mosley parehas og boxing skills nilang Spence ug Crawford apan mas dagko itandi sa duha ug parehong full-fledged welterweights.

Gitandi sab ang Floyd Mayweather (WBA/WBC champ), 47-0, vs. Manny Pacquiao (WBO champ), 57-5-2, nga nahitabo niadtong May 2, 2015, sa MGM Grand, Las Vegas nga gikonsiderar nga “richest fight in boxing history.”

Giapil kini sa pagtandi tungod sa kataas sa panahon una pa nagkapinirmahay og kontrata ang duha ka habig. Ang Pacquiao-Mayweather fight milanat og pipila ka tuig ayha pa nahitabo, mao sab nilang Crawford ug Spence.