Asdang, Lapu-Lapu City!

 Ang pagka-mapaubsanon ingon man usab ang pagkamatinabangon maoy pipila sa hiyas sa tawo nga angayan nga pagahuptan ug pagapuy-an. Mao kini ang prinsipyo sa 20-anyos nga Hospitality Management student nga si John Nelson Duallo, kinsa mao usab ang pambato sa Lapu-Lapu City sa Mister International Philippines 2023.  

Usa gyud sa iyang ibida sa pagsalmot niya sa MIP mao ang pagpakita og ka maayo sa isigkatawo .

"Be kind gyud always, kun nakita nimo nga ang usa ka tawo kay nanginahanglan og tabang, kinahanglan nga tabangan nato kutob sa atong makaya.

Usa usab siya ka basketball player. Tumong niya nga mogawas sa iyang comfort zone hinungdan nga nisalmot siya og prestihiyosong indigay.  Ang pagsalmot niya sa MIP, usa pud sa iyang pamaagi nga mabanlas ang iyang pagkamaulawon.

"Makulbaan gyud ko sauna kun daghan nga mga tawo ang akong kaatubang," niya pa.

Sa wala pa siya naagni mga mosalmot og MIP, nasuwayan na niya ang fashion show nga kabahin sa acquaintance party sa ilang tunghaan.

 "Niapil gyud ko ato para maanad ko ba nga mag-atubang og daghang tawo. Hangtod naabot gyud ko ani (MIP), " dugang pa niya ..

Saysay pa ni John nga buhaton niya ang tanan kutob sa iyang mahimo aron makadalit og hugyaw nga performance sa MIP.

   Mao kini ang unang higayon nga nisalmot siya og usa ka indigay sa kaambong.    Alang kaniya nga usa pud ka maayong luna ang male pageant nga mag-empower pud sa kalakinhan. Aminado siya nga kasagaran nga gi-promote ang empowerment sa kababayn-an, busa kinahanglan pud nga dunay sama nga treatment niini ang kalakin-an.

   "What I saw sa social media, duna pu'y mga lalaki mga gi-lookdown pud sa ubang tawo. Through male pageant, mapakita pud ang ilang mga potensyal ," matud pa ni John.      Usa sa gihimo nga preparasyon karon ni John ang pagmintinar sa iyang lawas busa todo ang iyang pag-workout ingon man usab ang pagduwa og basketball.   

   Aminado siya nga mga lig-ong gyud ang iyang mga katigi sa MIP apan usa kini sa mas makapahagit  kaniya aron mas tarungon niya ang iyang performance.

   "Buhaton gyud nako ang akong best. Kun kaya nila nga maabot sa kana nga level, seguro maningkamot sad ko nga ako sad nang maabtan," ni John pa.

    Pinaagi usab sa MIP, iyaha usab nga i-promote sa katawhan nga dili gyud maulaw nga modangop sa pamilya o ba kaha sa higala kun makasugat kini og problema.

   "Dili gyud ta maulaw, nga ato i-share sa atong friends o family ang atong sadness. Likayan nato ang depression, naa may nga  tawo nga atong kadangpan like friends nato nga puwede maistoryahan," matud pa niya.   Courtesy of Mister International Philippines FB page and John Nelson Duallo FB account

"It's okay",  Joshnella

Ang Pinoy adaptation sa Korean series nga "It's Okay Not To Be Okay", mao matud pa ang big project nga magsilbi sab nga follow-up nila ni Janella Salvador ug Joshua Garcia sa ABS-CBN. Nagkuyog ang duruha sa Darna teleserye. Ang nabisgutang adaptation unang nabalita nga gitanyag ngadto sa LizQuen o loveteam nila ni Liza Soberano ug Enrique Gil apan wala nila dawata.

Hawod  kaayo!

Haros-kamunggay o nanghawod ang ABS-CBN sa Top 10 entertainment related accounts sa Tiktok. Number 1 ang abs-cbn nga adunay 165 million views, gisundan sa gma network nga adunay 74.4 million views, ikatulo ang abscbnpr nga may 25.8 million views, ikaupat ang spotifyph nga may 22.1 million views ug ikalima ang netflixph, 22 million views. Ikaunom ang pepalerts, 18.5 million views; tv5manila, 14.7 million views; fasttalkgma, 13.3 million views; itsshowtimena, 11.9 million views; ug iampieofficial 8.7 million views. Mao na ang sultada gikan sa May 1-15.

Last three weeks

Mag-season break ang GMA-7 game show nga Family Feud ni Dingdong Dantes. Ang tsika nga nasagap sa PEP mao nga tulo ka semana na lamang kini sa ere. Mobalik ra hinuon sa September. Ang rason mao nga magsugod na ang taping ni Dingdong sa iyang teleserye nga mag-ulohan og Royal  Blood. Siya sab maoy host sa The Voice Generation ug padayon sab ang iyang Amazing Earth.