UV Lancers segurado na sa finals sa Moalboal caging
CEBU, Philippines — Ang University of the Visayas (UV) Green Lancers mikastigo sa University of San Jose-Recoletos (USJ-R) Jaguars, 88-64, aron pagpabiling way pilde sa 1st Mayor Inocentes Cabaron Inter-Collegiate Basketball Invitational Tournament didto sa lungsod sa Moalboal, habagatang bahin sa Sugbo.
Uban ang perpektong 3-0 rekord, ang Lancers ni coach Gary Cortes segurado na sa finals bisan og unsa pa ang resulta sa katapusan nilang duwa sa eliminasyon batok sa University of Southern Philippines Foundation (USPF) Panthers karong Biyernes, Abril 28.
Sa laing bahin, ang University of Cebu (UC) Webmasters naka-angkon pa og laing kinabuhi human gipukan ang Cebu Institute of Technology-University (CIT-U) Wildcats, 60-57.
Apan human sa duwa, usa ka mainit nga rambol ang miulbo tali sa duha ka kampo gawas sa binyu ug dali nga mikatap ang bidyo niini sa social media.
Ang Moalboal Sports Committee hugtanong mikondena sa insidente samtang ang CESAFI wala usa mipahamtang og silot samtang wala pa ang resulta sa ilang imbestigasyon sa nahitabong lamok-lamok nga nakahugaw na sab sa imahe sa liga.
- Latest
