CWBL Season 3 mosikad  na karong udto

CEBU, Philippines —  Sugdan na sa Softbatch ang ilang kampanya alang sa makasaysayanong grandslam sa dihang ang Cebu  Women's Basketball League (CWBL) Season 3 mosikad na karong alas-12 sa udto didto sa Capitol  Parish gym sa dalan sa Escario, dakbayan sa Sugbo. Ang Softbatch, nga maoy nanghawod sa nag-unang duha ka seasons sa liga, hagiton ning higayona  sa Titans, GS Prodigy, Donner (Oslob), San Fernando Shines, CYBA-Mandaue, KYPA-Paknaan, D'  Northballers sa Carmen, Got Shot, ug EVSU sa Ormoc City.

Si CWBL founder ug commissioner Arnel Salado nagkanayon nga ang walo ka mga entranteng koponan  gibahin ngadto sa duha ka brackets.

Moduwa sila og single round robin diin ang top 2 teams matag bracket mo-abante sa crossover  semifinals. Ang mga mananaog maoy magsangka sa kampiyonato sa tinagakay nga duwa.