Nets nakalingkawas sa Nuggets

CEBU, Philippines — Sila si Mikal Bridges ug Nic Claxton nagkumboya'g 45 puntos sa dihang ang Brooklyn Nets nakasugakod sa triple-double ni Nikola Jokic aron tumbahon ang Denver Nuggets, 122-120.

Ang two-time reigning MVP nga si Jokic miharos og 35 puntos, 20 ka rebounds ug 11 ka assists apan nakawang ang impresibo niyang salida gumikan kay nadagma ang Nuggets.

Naghari hinoon gihapon sila sa West bitbit ng 46-22 nga baraha.

Sa lain aksiyon, si Joel Embiid mipabuto og 34 puntos uban ang walo rebounds, upat ka blocks, ug upat ka assists aron ituboy ang Philadelphia 76ers ngadto sa 112-93 nga pagpakaging sa Washington Wizards.

Wala sab magpabitin si James Harden nga miamot og 18 puntos ug 14 ka assists alang sa Sixers, nga miposte sa ikalima nilang sagunson nga daog aron pagpabilin sa ikatulong dapit sa Eastern Conference uban ang 45-22 rekord.

Didto sa New Orleans, si Trey Murphy mipabuhagay og career-high 41 puntos aron pangulohan ang Pelicans ngadto sa 127-110 nga paglampaso a Portland Trail Blazers.

Sa ubang mga resulta, sila si Darius Garland ug Donovan Mitchell nagkumbinar og 51 puntos sa dihang gipaksit sa Cleveland Cavaliers ang Charlotte Hornets, 114-108, samtang si Jalen Williams mipupo og 21 puntos, 10 ka assists ug pito ka rebounds sa dihang giwani sa Oklahoma City Thunder and San Antonio Spurs, 102-90.