Nets mipalagpot ni coach Nash
CEBU, Philippines — Gipalagpot sa Brooklyn Nets si Steve Nash isip ilang head coach kagahapong adlawa.
Resulta kini sa dili maayong sinugdanan sa Nets ning NBA season diin kaduha pa lamang sila makadaog sud sa unom ka duwa.
Sa ilang pag-iyahay og dalan, mapasalamaton hinoon sa usa'g usa ang duha ka mga habig.
"We want to thank Steve for everything he brought to our franchise over the past two-plus seasons," matud pa ni Nets general manager Sean Marks nga suod nga higala ni Nash.
Susama sab ang sentimento sa tag-iya sa Nets nga si Joe Tsai. "He had brought hard work and positive attitude during a reign that included periods of exceptional storm around the team," dason pa ni Tsai.
Sa iyang bahin, si Nash nanghinaut nga magmalampuson ang Nets sa malisud nga tahas nga nag-atang kanila sa unahan.
"I wish the Nets all the success in the world and the Nash's will be rooting for our team as they turn this season around," dason pa ni Nash.
Sa pagbiya ni Nash sa poder sa Nets, milutaw dayon ang pangan sa suspendidong coach sa Boston Celtics nga si Ime Udoka nga maoy mohulip sa iyang puwesto.
- Latest
