Lower Kawayan unang kampiyon sa Cebuanos Basketball League
CEBU, Philippines — Ang Lower Kawayan ballers milugwa nga labing unang kampiyon sa Cebuanos Basketball League.
Nakakuha og dalaygong salida gikan nilang Juanito Dacayana, Jaymar Ansag, ug John Carl Bustamante, gitiwasan sa Lower Kawayan ang Gwapitos, 106-99, sa tinagakay nga duwa sa ilang best-of-three finals series aron sakmiton ang makasaysaynong titulo sa liga niadtong Miyerkules, Oktubre 26 didto sa City Sports Club-Cebu gym.
Si Dacayana mipaulbo og 27 puntos alang sa Lower Kawayan hinungdan sa pagbayaw kaniyang Finals MVP.
Naka-angkon siya og igong suporta gikan nilang Bustamante ug Ansag nga nagkumboya'g 42 puntos.
Si Larry Oroyan maoy nangu sa Gwapitos uban ang 21 puntos samtang si Rangie Monleon mitali og 19 puntos sa pilderong kawsa. Ang malampuson nga torneyo giorganisa ni Derick Tallo, anak ni kanhi PBA player Mark Tallo ug manghud sa No.1 3x3 player karon sa nasud nga si Mac Tallo.
- Latest
