Jot Trucking, TMV Property  mikompleto semis  sa Joko Builder's Cup

CEBU, Philippines — Walay kukaluoy nga gipalayas sa Jot Trucking Services ug TMV Property Management and  Accounting Firm ang tagsa-tagsa nilang mga karibal sa tagakay nga quarterfinals sa Joko

Builder’s Cup 2022 niadtong Domingo diha sa CEC gym sa Leon Kilat st., Cebu City.

Ang Jot Trucking milubong sa undermanned Gootsource Solution International (GSI) sa iskor  nga 78-59, samtang ang TMV milubong sab sa Domelsky Purified Drinking Water, 84-64 nga maoy  mikompleto sa semifinal cast ning maong liga nga giorganisar nilang Joeffrey Banaag ug  Marvin Sillar.

Balanse ang opensiba sa Jot Trucking diin 12 sa ilang mga magduduwa ang naka-iskor  pinangulohan ni Charly Ocanada nga adunay 13 puntos uban ang unom ka rebounds ug lima ka  assists aron mamahimo sab nga best player of the game.

Ang GSI nga aduna la’y pito ka players gipangulohan ni Darwin Rollon pinaagi sa iyang 18  puntos, gisundan ni Geory Apas sa iyang 14 puntos, Berwin Maata nga adunay 13 puntos. Dili

kaayo maayo ang produksiyon ni Kent Sillar, kinsa igo lang kini mitampo og 10 puntos  Ang  nakapait kay wala moduwa ang ilang mga bitoon nga nakapahisukamod sa GSI ni Ivan Llesol.

Sa main game, upat ka TMV players ang miiskor og double figures ubos sa pagpangulo ni  Francis Bauntad nga miburak og 24 puntos. Si Bauntad milangkat sab og upat ka rebounds ug

mipasa’g unom ka assists aron bayawon isip best player of the game.

Laing tulo nga naka-double digits mao silang Charlee Lumasag nga adunay 17 puntos, gisundan  ni Jessie Binolirao sa iyang 16 puntos ug Bennie Binondo sa iyang 12 puntos. Ang nanamilit nga Domelsky gipangulohan sa ilang team owner niining si Melchor Almonicar

nga mikandos og 21 puntos, gisundan ni Jun Dronio nga mikawos og 17 puntos. Ang knockout semis duwaon karong Domingo diin ang Jot Trucking ni Jeffrey Tagacanao  moharong sa Zynergia Wellness and Wealth ni Alvin Taneo sa alas-6 sa gabii ug sundan dayon  sa duwa sa TMV Property ni Theresa Villarino batok sa Donling Aircon and Refrigeration

Services ni Romeo Quilaton Jr. sa alas-7. Ang mga modaog maoy magtigi sa finals nga gikatakda karong Oktubre 23.