'Last Dance' jersey ni Jordan nahalin og $10 milyones
CEBU, Philippines — Ang No.23 jersey nga gisul-ot ni basketball legend Michael Jordan atol sa Game 1 sa 1998 NBA Finals nahalin sa makabungog nga kantidad. Kini gumikan kay ang maong uniporme nga gigamit ni Jordan sa katapusang higayon nga nakadaog siya og kampiyonato sa Chicago Bulls napalit sa presyo nga $10.1 million sa subasta kon aution nga gipasiugdahan sa Sotheby's kagahapon.
Doblekini sa gibana-bana nga presyo sa Sotheby.
Tungod niini, ang bililhong kabilin Jordan mikulit og bag-ong record alang sa labing mahal nga basketball jersey nga nabira gikan sa usa ka auction. Gibuak niini ang karaang record sa basketball jersey nga dunay autograph ni Kobe Bryant nga misul-ot niini niadtong 1996-97 NBA season uban sa LA Lakers. Nahalin kini sa kantidad nga $3.7 million.
- Latest
