Amit sibak sa Predator 10-Ball tourney
MANILA, Philippines — Matapos ang dominanteng panalo sa first round ay dalawang sunod na kamalasan ang sinapit ni two-time world 10-ball champion Rubilen Amit na nagpatalsik sa kanya sa 2022 Predator World Women’s 10-Ball Championship sa Klagenfurt, Austria.
Nakalasap ang Cebuana cue master ng 5-7 kabiguan kay Ina Kaplan ng Germany sa second round kasunod ang 3-7 pagkatalo kay Monika Zabek ng Poland sa losers’ bracket.
Gumuho ang pag-asa ng 40-anyos na si Amit na masargo ang asam na ikatlong Predator 10-ball crown na kanyang hinablot noong 2009 at 2013.
Nakipagtambal naman si Amit kay world champion Carlo Biado sa team event kung saan nila tinalo sina Ronald Regli at Dimitri Jungo at Claudia Von Rohr ng Switzerland, 3-1.
Samantala, umabante si Chezka Centeno sa winners’ qualification round makaraang gibain si Chantal Stadler ng Germany, 7-2, sa second round.
Sinimulan ni Centeno ang torneo sa 7-0 paggupo kay Elise Qui ng the Netherlands.
- Latest
