Wolves mitukob sa Cougars
CEBU, Philippines — Gipahilom sa Wolves ang Cougars, 59-54, sa Hoop Nation Arlon Cup Season 1 didto sa City Sports Club-Cebu gym.
Si Bal Zaspa mipabuto og 28 puntos uban ang siyam ka rebounds alang sa Wolves, nga nagpabilin sa ikaduhang dapit sa East Division bitbit ang 10-3 win-loss record. Usa ka duwa lamang ang ilang gintang sa nagharing Simple Blends (11-3).
Duna hinoon gihapoy rason nga magmaya ang Cougars kay sa sayo pa ilang gipakaging sa Brothers, 64-56.
Si Joshua Balangkig mi-iskor lamang og kuwatro puntos apan dunay 13 ka assists ug duha ka steals alang sa Cougars nga nagkupot na karon og 6-8 nga baraha. Si Randy Ty mikimada og 21 puntos ug 11 ka rebounds apan way nahimo kay ang Brothers natagak sa 3-10.
Sa laing resulta, si Gerald Baculi mihipos og 24 puntos, 12 ka rebounds ug upat ka assists sa dihang gipayaka sa Pfizer ang RKC, 72-65, alang sa ikalima nilang daog sud sa 11 ka duwa. Si Glenn Ybanez mipatuasik og 30 puntos apan nahoyhoy ang abaga kay ang RKC nadakin-as ngadto sa 3-7.
- Latest
