Rehistrasyon sa Go Race Cebu kutob lamang karon
![Rehistrasyon sa Go Race Cebu kutob lamang karon](https://media.philstar.com/photos/2022/07/22/go-race-cebu-sports-july-23-2022_2022-07-22_20-45-40.jpg)
CEBU, Philippines — Kadtong mga interesado nga mosalmot sa Go Race Cebu:The Great Safari Experience obstacle trail race nga gikatakda karong Hulyo 30 didto sa Cebu Safari and Adventure Park sa lungsod sa Carmen, amihanang bahin sa Sugbo gihatagan hangtud kutob lamang karong adlawa aron magparehistro.
Puydeng mo-register online pinaagi sa https://forms.gle/5XhupkZmcBnXCoZx6 o mobisita sa pisikal nilang lokasyon sa Cebu Safari and Adventure Park ug ingon man sa Runnr sa Ayala Center Cebu.
Ang entry fee nagkantidad og P1,000 sa 3km fun run, ug P1,100 sa 6km ug P1,400 sa 12km obstacle race apil na niini ang race bib ug kit, singlet, finisher's medal, loot bag, ug libreng admisyon sa Cebu Safari.
Miabot ngadto sa P33,000 nga ganting salapi ang iapud-apud sa mga mananaog ning makutas apan makalingaw nga karera nga gipasiugdahan sa Cebu Chamber of Commerce and Industry (CCCI) isip kabahin sa selebrasyon sa 2022 Cebu Business Month (CBM).
Ang makampiyon sa 12km obstacle race mobulsa og P10,000, samtang ang mopahiluna sa ikaduha ug ikatulong dapit makadawat og P8,000 ug P5,000. Ang top 3 sa 6km category mokubra og P5,000, P3,000, ug P2,000.
Alang sa dugang detalye, mahimong mokontak nilang Bel (0916-4641747) o Jovit (0927-4303233).
- Latest