Ayton mipirma'g $133 milyones max contract sa Suns
CEBU, Philippines — Hingpit nang nagpahigot ang sentrong si Deandre Ayton sa poder sa Phoenix human siya
mipirma og upat ka tuig nga maximum contract nga mibalor og $133 million uban sa Suns
kagahapong adlawa.
"I'm happy to put free agency behind me and ready to work and compete for a championship
with my teammates," dason pa ni Ayton.
Ang big man gikan sa Bahamas nga mag-24 anyos na karong Dominggo dako og natabang paghatud
sa Suns ngadto sa 2020-2021 NBA Finals.
Siya maoy No.1 overall pick sa Suns niadtong 2018 NBA Draft.
Sa nag-una niyang upat ka seasons sa liga, si Ayton mi-average og 16.3 puntos, 10.5
rebounds ug 1.0 blocks matag duwa.
"Deandre is a force on both ends of the floor who has elevated his game every year and will
continue to do so," matud pa ni Suns general manager James Jones."DA is so important to
what we do and without him we could not have reached our recent levels of success. We are
excited to keep Deandre at home in the Valley where he belongs."
Si Ayton mi-average og 17.2 puntos ug 10.2 rebounds sa miaging season alang sa Suns, nga
gipakuratan sa Dallas Mavericks sa Western Conference semifinals.
Sa susamang season, girehistro sab niya ang ika-3,000 niyang puntos ug ika-2,000 nga
rebounds. Siya maoy ikaduhang labing paspas nga players nga nakakab-ot sa maong dungog
sunod ni Charles Barkley.
- Latest
