SBP proud sa Gilas 3x3 team
MANILA, Philippines — Walang dapat ikahiya sina Almond Vosotros, Joseph Eriobu, Samboy de Leon at Lervin Flores sa pagiging fourth-placer ng Gilas Pilipinas 3x3 team sa katatapos na 2022 FIBA Asia tournament sa Singapore.
Sinabi kahapon ng Samahang Basketbol ng Pilipinas (SBP) na ang kampanya ng Nationals ang pinamakagandang performance ng bansa sa FIBA 3x3 continental level.
“This is the Philippines’ best-ever finish in the FIBA 3×3 Asia Cup and a clear sign that the partnership with the PBA is working out well,” pahayag ng SBP.
Magkasunod na pinatumba ng Gilas squad ang Indonesia, 21-15, at Jordan, 21-19, papasok sa main draw kung saan nila nakasama sa Group C ang host team Singapore at China.
Nang makapasok sa quarterfinal ay tinakasan nila ang top-seeded na Mongolia, 21-20, tampok ang game-winning two-pointer ni Vosotros patungo sa semifinals.
Hindi nila kinaya ang mas malalaking New Zealand team, 13-21, na naghulog sa kanila sa third-place game laban sa China kung saan sila nabigo, 18-20, at nakuntento sa ikaapat na puwesto sa torneo.
“The success of Gilas in Singapore was the result of the hard work of the entire PBA 3×3 community,” wika ng SBP na pinamumunuan nina president Al Panlilio at chairman emeritus Manny V. Pangilinan.
Ang pagkakaroon ng PBA ng 3x3 tournament ang pinahalagahan din ng SBP.
“When the SBP brought up the idea of launching a 3×3 league, PBA Commissioner Willie Marcial bought in from the start and we also got amazing support from PBA chairman Ricky Vargas and the entire Board of Governors with PBA 3×3 commissioner Dickie Bachmann taking the lead,” wika ng basketball federation.
- Latest
