Enciso kampiyonato ang tirada sa Beermen
CEBU, Philippines — Ang Fil-Am guard nga si Simon Enciso nanghinaut nga makatilaw sa katam-is sa kampiyonato sa labing unang higayon sa iyang karera sa PBA uban sa San Miguel Beer. Isip usa sa labing bag-ong mga sakop sa San Miguel franchise sa umaabot nga Governor’s Cup, si Enciso mipasalig nga iyang buhaton tanan kutob sa iyang mahimo alang sa Beermen aron makab-ot lamang ang iyang damgo.
"Like what I told coach (Leo Austria), I'm willing to do any of those things. I just want to win my first championship," matud pa ni Enciso, ang second round pick sa Rain or Shine niadtong 2015 PBA Draft.
Ang 30-anyos nga si Enciso napunta sa Beermen pinaagi sa usa ka trade uban sa Terrafirma Dyip alang sa serbisyo sa beteranong si Alex Cabagnot.
Ang Beermen maoy ikaunom nga team ni Enciso sa PBA sunod sa NLEX, Phoenix, Alaska, TnT Tropang Giga, ug Blackwater.
Kaduha siya nakataak sa finals uban sa Aces (2018 Governor’s Cup) ug Tropang Giga (2020 Philippine Cup) apan napakyas siya sa maong mga higayon.
Ning higayona sul-ot ang uniporme sa Bereman, si Enciso nanghinaut nga iyang nang ma-angkon ang iyang gihandum.
"That's the goal. That's the goal for everybody in the team to be at the top," dason pa ni Enciso. "That's my mindset right now to kind of adopt to what San Miguel needs from me. That's kind of where I am right now."
- Latest
