Griffin nabitik sa Nets
CEBU, Philippines — Napun-an og laing bitoon ang Brooklyn Nets human nakuha ang free agent nga si Blake Griffin.
Ang six-time All-Star forward nga si Griffin nipirma og kontrata uban sa Brooklyn Nets sa nahabiling nga season human nigawas gikan sa Detroit Pistons, sumala pa sa Nets kagahapon (oras sa Pilipinas). Gigamit sa Nets ang usa sa ilang veteran-minimum-contract slot aron mopirma si Griffin, matud pa sa mga tinubdan ngadto sa ESPN.
Ang kanhi No.1 NBA draft pick nga si Griffin, kinsa magsaulog sa ika-32 niyang adlaw'ng sunod semana mopalig-on og samot sa Nets nga karon anaa sa ikaduhang dapit sa Eastern Conference standings uban ang paglaum nga mokampiyon. Ang presensiya ni Griffin mohatag ni Nets coach Steve Nash og laing opsiyon aron mokomplemento nilang playmakers James Harden, Kyrie Irving ug forward Kevin Durant.
"We're fortunate to be able to add a player of Blake's caliber to our roster at this point in the season," matud pa ni Nets general manager Sean Marks sa usa ka pamahayag.
"Blake is a versatile frontcourt player with a long track record of success in our league, and we're excited about the impact he'll make for us both on and off the court in Brooklyn."
Gikataho nga si Griffin ni-forfeit sa $13.3 million aron pagseguro sa iyang sayo nga paggawas gikan sa Piston sa miaging bulan.
Ang 6-foot-9 nga si Griffing nakaduwa og 642 ka mga duwa sa 11 seasons uban sa Los Angeles Clippers ug Pistons diin nag-average siya og 21.4 puntos matag duwa.
Ning tuig, si Griffin nakaduwa og 20 ka higayon alang sa Detroit uban ang average nga 12.3 points ug 5.2 rebounds matag duwa.
- Latest
