Donaire naigo sa COVID-19, dili kaaway sa WBC title fight

CEBU, Philippines — Mabaraw ang WBC title fight ni Nonito 'The Filipino Flash' Donaire Jr. human kini nagpositibo sa Covid-19. Ang four-division world champion nga si Donaire (40-6, 26KOs)  gikatakda untang moaway sa WBC bantamweight championship match batok ni Emmanuel Rodriguez (19-1, 12KOs) sa Puerto Rico.

Segun sa orihinal nga iskedyul, si Donaire mohagit unta ni Nordine Oubaali alang sa WBC 118-pound title, apan ang defending French champion misibog sa away human nataptan sa gikahadlokang virus ug gihulipan ni Rodriquez.

Si Keith Idec sa boxingscene.com, nga maoy unang mitaho sa nahitabo ni Donaire, mibutyag nga ang Showtime mopadayon gihapon sa ilang promosyon karong Disyembre 19 didto sa Mohegan Sun Arena sa Uncasville, Connecticut.