Ikaduhang daog gisaytan sa Fuel Masters

CEBU, Philippines — Human nakab-ot ang ilang tinguha nga subhan og daog si Topex Robinson isip ilang head coach, laraw sa Phoenix Super LPG Fuel Masters nga ipadayon ang ilang kainit sa dihang ilang sangkaon ang NorthPort Batang Pier karong adlawa sa PBA Philippine Cup bubble play didto sa Angeles Foundation University (AUF) sa Angeles City,                Pampanga.

Mag-abot ang duha ka kampo sa alas-4 sa hapon diin ang Fuel Masters buot usban ang ilang 116-98 nga kadaogan batok sa Meralco Bolts niadtong Lunes.

Si Matthew Wright mipabuto og 36 puntos aron pangulohan ang nagkayong opensa sa Fuel Masters nga miresulta ngadto paglubong nila sa Bolts og 18 puntos.

Alang ni Robinson, ang ilang kadaogan nagpasabot nga gibuhat nila ang angay nilang buhaton subay sa ilang preparasyon

Ning higayona, angayan nga mangandam sa mas dakong hagit ang Fuel Masters gumikan kay ang ilang harungon nga Bolts naglungot-lungot man nga makabawi sa 89-96 nilang kaparotan ngadto sa Blackwater Elite niadto sang Lunes.